காதலும்.., காதலிசமும்...

காதலும் காதலிசமும்.... 

உலகம் என்பது அறிவால் ஆனதல்ல அன்பால் ஆனது... நாம அறிவானவங்களா காட்டிக்க எப்போதும் மெனக்கிடுறோம் ஆனா அன்பா காட்டிக்க பலநேரத்தில் முனைவதில்லை... பிரபஞ்சம் காதலால் உருவானது, காதலால் நிரப்பபட்டது, காதலால் இயங்குவது இதில் நீங்களும் நானும் விதிவிலக்கல்ல...

ஓரு பூவின் மகரந்தம் எங்கோ இருக்கும் இன்னொரு பூவுடன் சேர்ந்து கனியாவது காதல்தான்... தன் குடும்பத்திற்கென சிறு சிறு மர துண்டை வைத்து அயராது உண்டாக்கும் ஒரு பறவையின் வீடும் காதல்தான்.. தன் குட்டிக்கும் சேர்த்து வேட்டையாடும் சிங்கத்தின் அன்பும் காதல்தான்... 

காதல் என்பது இன கவர்ச்சியை தாண்டி, வயது கோளாரை தாண்டி, பருவ கிளர்ச்சியை தாண்டி, ஹார்மோன் கலவரத்தை தாண்டி, சம்திங் ஃபிரம் யுவர் டீப் சோல்.  

எதையும் எல்லாரையும் காதலிக்க தெரிந்த இதயத்திற்கு ஆயு‌ள் அதிகம் ஆபாசம் குறைவு... காதலை புனிதபடுத்தும் நாம் காதலிப்பவர்களை புனித படுத்துவதில்லை.. கண்ணியமும் புரிதலும் காதலின் கிளைகள் என்றால் அன்கன்டிஷனல் லவ் மட்டுமே காதலின் ஆணிவேராக இருக்க முடியும்... 

காதலுக்கும் கல்யாணத்திற்க்கும் இடையே உள்ள தூரத்தில் உங்கள் காதலை முடித்து கொள்ளாதீர்கள். தள்ளாடும் வயதிலும் பின்னிருந்து கட்டி அனையுங்கள், கோபம் கொள்ளுங்கள், சிறிதாய் சண்டையிட்டு சமாதானம் ஆகுங்கள்.. நிலம், வானம் என தொடங்கி குடும்பம், குழந்தை வரை அனைத்தையும் திறந்த மனதுடன் காதலியுங்கள்.. காதல் ரசத்தை பருகிகொண்டே இருங்கள்... காயமில்லா காமமில்லா காதல் எதுவென்றால் கடல் அலையையும் கரையையும் உற்று பாருங்கள் புரியும்.  

தேடிக் கொண்டே இருங்கள் காதல் கடலை விட, வானத்தை விட, பிரபஞ்சத்தை விட பெரியது.. கீப் தி எக்சைட்மன்ட் அப்... வாழ்க்கைய வாழ எல்லோராலும் முடியும் ஆனால் கொண்டாட காதலால் மட்டுமே முடியும்.. 

Fall in Love, Stay Special in LOVE ...  with loads of love!! Cheers!!